ہستی ایک دن

 ۔۔ غزل 

 دیکھتا مڑ کر نہیں وہ سوۓ ہستی ایک دن

دیکھنا ہے جن کو لوگو! حق پرستی ایک دن 

 کیوں کرے ظلم و جفا کوئی کسی معذور پر

مٹ ہی جانا ہے یقیناً سوز ہستی ایک دن

  مت اکڑ ناداں تو اپنے مال و زر پہ اسقدر

خاک میں مل جائےگی تیری بھی ہستی ایک دن

 کیوں کرو ہو طنز میرے پیرہن پر مسخرو

بالیقیں مٹ جائے گی تیری بھی ہستی ایک دن

ناز ہے رضوی جنہیں معیار پر اقدار پر

سب کھڑے ہوں گے برابر اوج و پستی ایک دن

صلاح الدین رضوی ، مظفر پور (بہار)

عیاں تھا پہلے

 ۔۔ غزل

تجھ پہ ہر حال عیاں تھا پہلے 

 ہوں کہاں اور کہاں تھا پہلے

 نام میرا جو ابھی لیتے ہو

میں تو ہونٹوں پہ فلاں تھا پہلے

آج ہر جا ہے لہو کا منظر 

کتنا الفت کا سماں تھا پہلے

میرے آنے سے بڑھی ہے رونق

ورنہ یہ رنگ کہاں تھا پہلے 

ہوگیا مجھکو بھی یقیں اب تو

جسکے ہونے کا گماں تھا پہلے

سارے احباب سمٹ آۓ ہیں

"کیا خبر کون کہاں تھا پہلے"

صلاح الدین رضوی مظفر پور

غزل

اسکی کی یادوں کے حسیں خواب کا پیکر دےگا
پھر نیا زخم مجھے اب دل مضطر دےگا

برگ گل پر پڑی شبنم کو نہ کم تر جانو
زرد موسم کو یہی قطرہ ہرا کر دےگا

حوصلے جنکے پہاڑوں کی طرح ہوتے ہیں
ڈر انہیں کیسے بھلا کوئی سمندر دےگا

آہ !اس جام محبت کا نہ عالم پوچھو
دست ساقی سے مجھے آج جو ساغر دے گا

فن کبھی غیرکو ہرگز نہ دکھایا کرنا
ورنہ سینے میں کوئی زخم نیا کر دےگا



ہر طرف جوروجفا ظلم وستم ہے رضوی
پھر بھی منصف کوئی الزام مرے سر دےگا۔

صلاح الدین رضوی مظفر پور

پروفیسر ناظم قادری